கனமழைக்கான எச்சரிக்கை விடுக்கப்பட்ட நிலையில், முன்னெச்சரிக்கை நடவடிக்கையாக அரக்கோணத்திலுள்ள தேசிய பேரிடர் மீட்புப் படையை சேர்ந்த 5 குழுவினர் சென்னை வந்தனர்.
தமிழகத்தில் வடகிழக்கு பருவமழை கடந்த 15-ம் தேதி தொடங்கியது. இந்நிலையில், சென்னையில் நேற்று முன்தினம் பலத்த மழை பெய்தது. இதனால், பல இடங்களில் மழைநீர் தேங்கியதால் பொதுமக்கள் சிரமத்திற்கு ஆளாகினர். பருவமழை மீட்புப் பணியில் ஈடுபடுவதற்காக ராணிப்பேட்டை மாவட்டம் நகரிகுப்பத்தில் இயங்கி வரும் தேசிய பேரிடர் மீட்புப் படை 4-வது பட்டாலியனில் இருந்து ஒரு குழுவுக்கு 30 பேர் வீதம் 5 குழுக்கள் விரைந்தனர்.வீரர்கள் தங்களுடன் மரம் அறுக்கும் நவீன கருவிகள், ரப்பர் படகுகள், மின்னணு சாதனங்கள் உள்ளிட்டவைகளுடன் புறப்பட்டனர். மேலும் 3 குழுக்களைச் சேர்ந்த மொத்தம் 240 வீரர்கள் மீட்பு பணியில் ஈடுபட தயாராக உள்ளதாக சீனியர் கமாண்டன்ட் அகிலேஷ் குமார் தெரிவித்தார்.
